Ky artikull është përditësuar. Shiko përditësimet
Klubi italian Roma është shumë pranë transferimit të sulmuesit Giacomo Raspadori nga Atletico Madrid. Pas takimit të zhvilluar të mërkurës midis drejtorit sportiv Frederic Massara dhe agjentëve të lojtarit, palët kanë arritur akord për pagën. Operacioni pritet të mbyllët në 24-48 orët e ardhshme, duke pritur vetëm miratimin përfundimtar të vetë futbollistit, i cili aktualisht është i angazhuar me Atletico Madrid në Superkupën e Spanjës.
Roma ka rritur ofertën financiare pas propozimeve fillestare jo bindëse. Sulmuesi do të marrë një pagë më të lartë se ajo aktuale në Madrid, rreth 6 milionë euro bruto, me një pagë neto prej 3.5 milionë euro. Klubi verdhekuq ka ofruar gjithashtu garanci më të forta për aktivizimin e klauzolës së blerjes, duke e bindur lojtarin për kthimin në Itali pas vetëm 6 muajsh të kaluar në Spanjë.
Marrëveshja me Atletico Madrid është e avancuar: transferimi do të jetë huazim me të drejtë blerjeje, që kthehet në detyrim blerjeje nëse Roma kualifikohet në Ligën e Kampioneve të sezonit të ardhshëm. Vlera totale e operacionit arrin rreth 25 milionë euro. Ky përforcim për repartin ofensiv është kërkuar me ngulm nga trajneri Gasperini.
Ndërkaq, Roma nuk ka mbyllur pistën për Joshua Zirkzee. Ndryshimet në pankinën e Manchester United mund të ngadalësojnë tratativat, pasi klubi anglez duhet të emërojë trajnerin e ri, i cili do të vlerësojë lojtarin para largimit të tij.
Përforcime të tjera po zhvillohen në repartin difensiv. Verdhekuqtë janë në bisedime me Tottenham për qendërmbrojtësin Radu Dragusin, 23-vjeçarin që ka luajtur më parë te Genoa dhe Juventus. Massara ka përshpejtuar negociatat me londinezët për të arritur një akord.
Përditësim
Roma dhe Atletico Madrid kanë arritur marrëveshje për transferin e Matias Soulé disa ditë më parë, sipas gazetarit Matteo Moretto. Bëhet fjalë për një huazim me pagesë prej 1.5 milionë euro, me opsion blerjeje midis 20-23 milionë euro. Klauzola dhe bonusë shtesë mund të rrisin koston totale në varësi të arritjeve sportive.