Ish-ylli i kombëtares së Brazilit, Ronaldo Nazario, ka shprehur dyshime mbi gatishmërinë e “Seleçaos” për t’u përballur me Holandën në fazën me eliminim direkt të Kupës së Botës 2026.
Sipas Ronaldos, brazilianët duhet ta shmangin përfaqësuesen holandeze, e cila ka treguar formë të lartë në ndeshjet e para të turneut, duke regjistruar dy fitore dhe paraqitje dominuese.
“Duhet ta shmangim Holandën, sepse është ende shumë herët. Nuk mendoj se jemi gati për atë përballje ende”, deklaroi “El Fenomeno”. Ai shprehu besim se ekipi do të evoluojë me zhvillimin e mëtejshëm të kompeticionit, megjithatë pranoi se aktualisht skuadra nuk është në nivelin e kërkuar për një duel të tillë.
Në lidhje me kundërshtarët e mundshëm në vazhdim, legjenda braziliane konsideron se Japonia dhe Suedia janë ekipe që kombëtarja e tij mund t’i kalojë pa shumë vështirësi.