Cristiano Ronaldo ka ndërmarrë një protestë duke mos u aktivizuar me Al Nassr kundër fondit sovran të pasurisë PIF, i cili administron katër klubet kryesore të Ligës Profesionale Saudite. Kjo ka ndodhur pas refuzimit të tij për të luajtur ndaj Al Riyadh dhe për të stërvitur, duke paralajmëruar drejtuesit se është gati të largohet nga Arabia Saudite.
Protesta është nxitur veçanërisht nga transferimi i Karim Benzema-s nga Al Ittihad te Al Hilal, skuadra lider në kampionat. Sipas Ronaldos, fondi PIF favorizon herë pas here klube të caktuara, duke penguar Al Nassr. Tifozët dhe drejtuesit presin nëse ai do të luajë në ndeshjen e ardhshme kundër Al Ittihad.
Reagimi i Ligës Profesionale Saudite
Liga Profesionale Saudite ka lëshuar një deklaratë zyrtare duke mbështetur Al Nassr dhe duke hedhhur poshtë pretendimet e Ronaldos. Ajo thekson se Ronaldo ka qenë i angazhuar plotësisht që nga transferimi dhe ka kontribuar në zhvillimin e klubit. "Asnjë individ, sado i rëndësishëm të jetë, nuk vendos mbi klubin", thuhet në reagim.
Liga ka mbrojtur modelin e saj, duke argumentuar se klubet veprojnë në mënyrë të pavarur me rregulla të barabarta për pagat, shpenzimet dhe strategjitë. Renditja e ngushtë mes skuadrave dhe lufta për titull dëshmojnë ekuilibrin e garës.
Detajet e kontratës dhe e ardhmja
Ronaldo është i lidhur me Al Nassr deri në vitin 2027, me një pagë vjetore prej rreth 200 milionë eurosh dhe klauzolë largimi prej 50 milionë eurosh. Sipas TalkSport, klube turke kanë shprehur interes për merkaton e verës.
Në Al Nassr nuk ka alarm të kuq, pasi besojnë se protesta do të mbyllet shpejt, duke qenë se Ronaldo ka interes të luajë për të qenë në formë për Botërorin.
Përditësime
Cristiano Ronaldo konsideron zgjatjen e bojkotit dhe mungesën ndaj Al Ittihad. Zëdhënësi i Ligës Saudite deklaroi për BBC: „Cristiano Ronaldo, si çdo lojtar elitë, dëshiron të fitojë, por asnjë individ nuk merr vendime që shtrihen përtej klubit“.
Cristiano Ronaldo u përjashtua nga formacioni i Al-Nassr-it për ndeshjen e dytë me radhë.
Zhvillime të reja:
- Paga e tij është 500 000 euro në javë.
- Nuk ka fituar titullin e Ligës Saudite në rreth katër sezone.
- Protesta kundër mungesës së investimeve në Al-Nassr.
A Bola raporton se mungesa e Cristiano Ronaldo-s me Al Nassr lidhet kryesisht me mos-pagesën e rrogave prej rreth 20 milionë eurosh në muaj, përtej pretendimeve për favorizim nga PIF.
- Al Nassr fitoi 2-0 ndaj Al Ittihad-it pa Ronaldo.
- Al Nassr ndodhet vetëm 1 pikë pas Al Hilal-it të trajnerit Simone Inzaghi.
- Karim Benzema shënoi tripletë për Al Hilal.