Një avion me 15 persona në bord u rrëzua në veri të Kolumbisë, pranë kufirit me Venezuelën. Ngjarja ndodhi gjatë një fluturimi të brendshëm nga Cúcuta drejt Ocaña, ku mbetjet u gjetën në zonë malore pranë qytetit La Playa de Belem.
Autoritetet kolumbiane humbën kontaktin me avionin rreth 10 minuta para mbërritjes së parashikuar. Avioni Beechcraft 1900D, që operonte fluturimin NSE 8849 për llogari të kompanisë private Searca në bashkëpunim me Satena, u ngrit rreth orës 11:42 (ora lokale) me destinacion Ocaña. Kontakti i fundit me kontrollin e trafikut ajror u regjistrua në orën 11:54, ndërsa mbërritja ishte planifikuar për orën 12:05.
Ministria e Transportit e Kolumbisë dhe Satena njoftuan fillimisht për zhdukjen e avionit. Më pas, agjencia kolumbiane e aviacionit civil konfirmoi rrëzimin dhe vdekjen e të gjithë personave në bord, pa asnjë të mbijetuar.
Midis viktimave janë kongresmeni Diogenes Quintero dhe kandidati për Kongres Carlos Salcedo, në prag të zgjedhjeve të marsit. Autoritetet kanë nisur hetimet për të përcaktuar shkaqet e aksidentit.