Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet maksimale të lejuara për derivatet e naftës, të cilat janë në fuqi për datat 19 dhe 20 korrik 2026.
Sipas vendimit të ri, çmimet e naftës dhe benzinës kanë shënuar një rritje prej 1 centi për litër krahasuar me ditën e kaluar:
- Nafta (dizeli): 1.64 euro për litër (nga 1.63 euro)
- Benzina: 1.46 euro për litër (nga 1.45 euro)
- Gazi: 0.60 euro për litër (i pandryshuar)
Këto çmime hyjnë në fuqi nga ora 10:00 dhe janë të detyrueshme për të gjitha pikat e shitjes në tregun e Kosovës.
Kjo rritje e çmimeve në tregun vendas vjen si pasojë e zhvillimeve ndërkombëtare në sektorin e energjisë, pas prishjes së marrëveshjes së armëpushimit ndërmjet Shteteve të Bashkuara të Amerikës dhe Iranit. Si kundërpërgjigje, autoritetet amerikane kanë njoftuar vendosjen e bllokadës për anijet që operojnë drejt porteve iraniane, gjë e cila ka ndikuar drejtpërdrejt në tregun global të naftës.
Përditësime
Ministria e Industrisë, Ndërmarrësisë, Tregtisë dhe Inovacionit njoftoi uljen e çmimit maksimal të shitjes së derivateve në tregun vendas. Çmimi i naftës për litër është vendosur në 1.63 euro, nga 1.64 euro sa ishte raportuar më parë. Gjithashtu, çmimi i benzinës ka rënë në 1.44 euro, duke shënuar një zbritje nga vlera e mëparshme prej 1.46 euro.