Tregu i karburanteve në vend ka reflektuar rritje të çmimeve pas shkrirjes së Bordit të Transparencës. Aktualisht, nafta shitet deri në 198 lekë për litër, ndërsa çmimi i benzinës ka arritur në 189 lekë për litër.
Kjo ecuri reflekton presionin e zhvillimeve në tregjet ndërkombëtare të energjisë. Tashmë, çmimet përcaktohen drejtpërdrejt nga kompanitë tregtuese, të cilat i bazojnë ato në kostot e furnizimit dhe dinamikat e tregut.
Ky shtrenjtim pritet të ndikojë drejtpërdrejt te konsumatorët. Përveç kostove më të larta për automjetet, ekziston rreziku i një efekti zinxhir që mund të reflektohet në çmimet e transportit, shërbimeve të ndryshme dhe produkteve të konsumit të gjerë.