Në muajin Prill 2026 çmimet e konsumit në Shqipëri u rritën me 2,8 % krahasuar me të njëjtin muaj të vitit të kaluar, sipas Indeksit të Harmonizuar të Çmimeve të Konsumit. Kjo normë përputhet me atë që kishte publikuar më parë INSTAT.
Sipas indeksit të harmonizuar me standardet e Bashkimit Evropian, rritja më e madhe e çmimeve u regjistrua në grupin “Argëtim, sport dhe kulturë” me 6,6 %. Pas tij renditen “Transporti” me 4,1 %, “Pije alkoolikë dhe duhan” me 4,0 % dhe “Kujdesi personal, mbrojtja sociale dhe mallra e shërbime të ndryshme” me 3,6 %.
Në krahasim me muajin Mars, çmimet u rritën me 0,3 % në Prill. Rritja mujore u ndikua kryesisht nga grupet “Pije alkoolikë dhe duhan” me 1,4 % dhe “Kujdesi personal” me 0,7 %. Nga ana tjetër, çmimet e grupit “Transporti” shënuan ulje me 0,4 %.
Indeksi i Harmonizuar i Çmimeve të Konsumit mat ndryshimin e nivelit të çmimeve me pakicë nga pikëpamja e strukturës së shpenzimeve të konsumatorëve.
Përditësime
Restorantet kontribuan me +0.6% në ndryshimin mujor të indeksit të harmonizuar, arsimi me +0.4%, dhe kategori të tjera me +0.2% ose +0.1%. Veshjet dhe mobiliet shënuan rënie prej -0.1% secila.