Marco Rubio, Sekretari i Shtetit i Shteteve të Bashkuara, kundërshtoi deklaratat e presidentit ukrainas Volodymyr Zelensky, duke i quajtur ato gënjeshtra. Kjo ndodhi në Paris, pas bisedimeve me grupin G7.
Zelensky kishte deklaruar në një intervistë se SHBA po ushtronin presion mbi Ukrainën për t’ia lëshuar Rusisë rajonin lindor të Donbasit, para se të finalizonin garancitë e sigurisë pas luftës.
“Kjo është gënjeshtër”, tha Rubio gazetarëve, kur u pyet për vërejtjet e Zelenskyt. “E pashë ta thoshte këtë dhe është për të ardhur keq që e tha këtë, sepse e di që kjo nuk është e vërtetë”.
Ai shpjegoi: “Ajo që iu tha atij është e qartë: garancitë e sigurisë nuk do të hyjnë në fuqi derisa të mbarojë një luftë”. “Kjo nuk ishte e lidhur me të, përveç nëse ai vetë heq dorë nga territori”, shtoi Rubio.
“Nuk e di pse i thotë këto gjëra. Nuk është e vërtetë”, përfundoi ai.