Mark Rutte, Sekretari i Përgjithshëm i NATO-s, deklaroi se Irani nuk duhet të sigurojë armë bërthamore. Ai e bëri këtë deklaratë në një konferencë për shtyp në Bruksel, në kuadër të prezantimit të Raportit Vjetor të NATO-s për vitin 2025.
Rutte theksoi se NATO njeh prej kohësh kërcënimin që programi raketor i Iranit paraqet për aleatët. Ai përmendi sulmin ndaj bazës britaniko-amerikane në Diego Garcia, duke thënë se përfundimi logjik është se Irani zhvillon kapacitete gjithnjë e më të rrezikshme. "NATO qëndron e palëkundur në krah të aleatëve të saj", u shpreh ai.
Sipas Rutte, veprimet e Shteteve të Bashkuara synojnë reduktimin e kapaciteteve bërthamore dhe raketore të Iranit. Ai vlerësoi Iranin si burim kaosi për rajonin dhe botën për shumë vite, duke nënvizuar se zotërimi i këtyre kapaciteteve përbën kërcënim jo vetëm për rajonin, por edhe për Evropën.
Rutte pranoi se në NATO nuk ka gjithmonë unanimitet, pasi është aleancë demokracish, por për mospranimin e kapaciteteve bërthamore e raketore të Iranit ekziston dakordësi e plotë.
Ai foli për bashkëpunimin e ngushtë mes Iranit, Rusisë, Koreja e Veriut dhe Kinës, duke thënë se ky bashkëpunim vërejtet prej vitesh. Irani është furnizues kryesor i pajisjeve që Rusisë i nevojiten për luftën kundër Ukrainës.