Skënder Hita u emërua drejtor i ri i Policisë së Shtetit më 30 mars 2026, me propozim të ministrtit të Brendshëm Besfort Lamallari dhe vendim të qeverisë. Më parë ai ka qenë drejtor i policisë në Fier.
Në një konferencë për media, kryetari i Partisë Demokratike, Sali Berisha, e quajti emërimin e Hitës problematik. Ai premtoi se shumë shpejt do të paraqesë fakte nga arkivi i qytetarit dixhital për historikun e tij në polici.
Berisha e etiketoi Hitën si Skënder Balluku, duke thënë se është pion i Belinda Ballukut, të quajtur nga ai Lubia ose Stërkarraçi. Sipas tij, Hita është lubizim i një organizate kriminale dhe përzgjedhja e tij dihej një muaj më parë nga Balluku.
Berisha deklaroi se prej sot Hita do të quhet drejtor Balluku. Ai shtoi se Belinda Balluku do të hyjë në histori dhe se Edi Rama është skllav i saj në kuptimin e vjedhjeve, me 25 vjet bashkëpunim të ngushtë.
Në të njëjtën konferencë, Berisha kritikoi qeverinë për procesin e integrimit në Bashkimin Evropian. Ai tha se Rama ka bllokuar integrimin duke penguar arrestimin e Belinda Ballukut, duke lënë raportin IBAR në klasë dhe duke kundërshtuar disa vende anëtare.