Ervin Salianji, ish-deputet i Partisë Demokratike, i është përgjigjur Sali Berishës, kreut të PD-së, me një postim në Facebook. Reagimi vjen pas deklaratave të Berishës se Salianji është i vetëpërjashtuar nga partia dhe gara për drejtimin e saj, si dhe se ai është "si të birësuar politikisht".
Në postimin e tij, Salianji shkruan: "Në mungë të votës, shpik etiketa. Në mungë të garës, shpall 'të vetëpërjashtuar'. Sa më shumë flet për përjashtime, aq më e qartë bëhet frika nga gara". Ai shton se Partia Demokratike nuk është "klub privat ku hyrjet dhe daljet vendosen me humorin e një njeriu, por një forcë politike që duhet të funksionojë me rregulla dhe me votën e anëtarëve të saj".
Salianji thekson se nuk ka nevojë për bekime apo leje, por kërkon "garë të hapur dhe votë të lirë". Ai akuzon Berishën se e ka keqpërdorur funksionin për interesa personale dhe biznesi, dhe se demokratët duan një PD fituese.
Sa i përket deklaratës së Berishës për një bisedë para daljes së Salianjit nga burgu, ku thuhet se Salianji kishte kërkuar firmë për të mos "vrarë" Fatmir Xhafën, Salianji e quan shpifje. Ai shkruan: "Sa për hallin që ka se mos 'vras' Xhafën, i flet subkoshienca se ka merak se mos 'vrasim' Ramën me votë". Ai shton se shpifjet tregojnë frikën dhe dëshpërimin e Berishës, dhe se akuzat për vrasje dihet kush i ka mbi shpinë.
Salianji i bën thirrje SPAK-ut të nisë hetim ndaj Berishës për tentativë vrasje ose moskallëzim krimi, duke thënë se është i gatshëm për bashkëpunim.