Në kryeqytetin indian Nju Delhi po mbahet samiti pesëditor India AI Impact, i pari i këtij lloji në rajon. Ngjarja, e nisur më 18 shkurt 2026, mblidhen 20 kryetarë shtetesh dhe qeverish, si dhe drejtues të lartë nga kompanitë teknologjike, përfshirë kryetarin ekzekutiv të Google, Sundar Pichai, dhe atë të OpenAI, Sam Altman.
Konglomerati indian Adani ka njoftuar se do të investojë 100 miliardë dollarë në ndërtimin e qendrave të dhënash për inteligjencën artificiale deri në vitin 2035. Kjo shifër përfshin një shpenzim shtesë prej 150 miliardë dollarësh për prodhimin e serverëve dhe infrastrukturën elektrike.
Sipas një studimi të Universitetit të Stanfordit, India u rendit e treta në botë për konkurrueshmërinë në inteligjencën artificiale vitin e kaluar, pas Shteteve të Bashkuara dhe Kinës. Si vendi më i populluar në botë, India ka tregun digjital me rritjen më të shpejtë. Samite të ngjashme janë mbajtur më parë në Francë, Mbretërinë e Bashkuar dhe Korenë e Jugut.
Lehtësi fiskale për investitorët
Qeveria indiane ka njoftuar së fundmi se kompanitë e huaja, të cilat përdorin qendrat e dhënash për shërbime globale në re, nuk do të paguajnë taksa deri në vitin 2047. Google ka njoftuar në tetor se do të shpenzojë 15 miliardë dollarë për një qendër të dhënash në shtetin Andhra Pradesh. Ndërkohë, Microsoft dhe Amazon kanë investuar miliarda dollarë në këtë sektor.