Modelet e ardhshme Galaxy S26 Ultra dhe Galaxy S26 të kompanisë Samsung janë shfaqur në platformën e testimit të performancës Geekbench, para lansimit të tyre të pritur më 25 shkurt në San Francisko.
Sipas listimeve, Galaxy S26 Ultra ka numrin e modelit SM-S948, ndërsa Galaxy S26 ka SM-S942. Këto listime zbulojnë detaje rreth procesorit, kujtesës dhe sistemit operativ. Të dy modelet janë pajisur me çipin Snapdragon 8 Elite Gen 5 të kompanisë Qualcomm, i konfirmuar nga prania e njësi grafikore Adreno 840.
Shpejtësitë e orës së tyre dallojnë nga varianti standard i procesorit. Galaxy S26 Ultra përdor një version paksa të reduktuar të taktimit, me dy bërthama në 4.19 GHz dhe gjashtë bërthama në 3.63 GHz. Për krahasim, varianti standard i Snapdragon 8 Elite Gen 5 ka dy bërthama kryesore në 4.61 GHz dhe gjashtë bërthama në 3.63 GHz.
Ndërkaq, Galaxy S26 duket se përdor një variant paksa të rritur të taktimit, me dy bërthama në 4.74 GHz dhe gjashtë bërthama të tjera në 3.63 GHz. Të dy telefonat posedojnë 12 GB RAM dhe funksionojnë me sistemin operativ Android 16. Rezultatet e testeve tregojnë performancë të ngjashme mes tyre.
Më herët, Galaxy S26 ka marrë certifikimin TUV, i cili ka zbuluar kapacitetin e baterisë së këtij modeli. Seria Galaxy S26 pritet të debutojë më 25 shkurt dhe të dalë në shitje në muajin mars.