Gjykata Themelore e Prishtinës mban sot seancën e radhës në rastin e vrasjes së Liridona Ademajt.
Para gjykatës do të paraqiten i dyshuari kryesor, bashkëshorti i saj Naim Murseli, si dhe dy të dyshuarit e tjerë Kushtrim Kokalla dhe Granit Plava. Seanca fillon në orën 09:30.
Në seancën e mbajtur më 29 janar, Naim Murseli tha para trupit gjykues se nuk ka pasur asnjë marrëveshje për ta vrarë Liridonën. Ai mohoi të ketë qenë i përfshirë në ngjarje.
Përditësime
Prokuroria akuzon Murselin se planifikoi vrasjen e Liridonës Ademaj për hakmarrje dhe përfitim financiar nga sigurimi jetësor prej 260 mijë eurosh në Suedi.
- Murseli u premtoi Kokallës dhe Plavës 30 mijë euro.
- Kokalla e njohu Murselin me Plavën, ekzekutuesin.
- Reagime zemërimi publik për pjesëmarrjen e Murselit në varrim.
- Familja kërkoi zhvarrosjen e trupit për varrosje në varrezat familjare.