Pete Hegseth, sekretari i Mbrojtjes i SHBA-së, deklaroi të enjten se operacioni ushtarak amerikan në Iran “është në rrugën e duhur dhe sapo ka filluar”. Ai foli në një konferencë për shtyp në selinë e Komandës Qendrore të SHBA-së.
Hegseth tha se Irani bën llogaritje të gabuara nëse mendon se SHBA-të nuk mund ta përballojnë luftën. Ai shtoi se municionet amerikane janë të plota dhe se “nuk ka mungesë vullneti amerikan” në këtë luftë. Sekretari premtoi se SHBA-të do t’i kujtojnë 6 anëtarët e rënë të shërbimit duke u përkushtuar plotësisht ndaj luftës.
“Irani shpreson se ne nuk mund ta përballojmë këtë, gjë që është një llogaritje e gabuar vërtet e keqe për IRGC-në në Iran”, nënvizoi Hegseth.
Deklaratat e tij vijnë menjëherë pasi shefi i Shtabit të Forcave të Mbrojtjes së Izraelit (IDF), gjenerallejtënant Eyal Zamir, njoftoi se Izraeli po kalon në “fazën tjetër” të luftës me Iranin. Zamir e cilësoi luftën si një “fushatë historike” që filloi me një “fazë sulmi surprizë”.
Në këtë fazë të parë, sipas tij, u shkatërruan 80% e sistemeve të mbrojtjes ajrore të Iranit dhe 60% e lëshuesve të raketave balistike. “Në këtë fazë, ne do ta çmontojmë më tej regjimin dhe aftësitë e tij ushtarake. Na presin surpriza të tjera të cilat nuk kam ndërmend t’i zbuloj”, tha Zamir në një deklaratë video.