Severna Brigada, organizatë serbe e shpallur terroriste nga Qeveria e Kosovës, ka publikuar një mesazh kërcënues me eliminim fizik të kryeministrit në detyrë Albin Kurtit.
Në mesazhin e publikuar thuhet: “Sa të lindë agimi mbi Kosovë, Albin Kurti do të jetë i vdekur”. Ky mesazh konsiderohet përshkallëzim i retorikës kërcënuese ndaj institucioneve të Kosovës.
Sfonda e organizatës
Severna Brigada është përmendur më herët në incidente dhe kërcënime me prapavijë ekstremiste në veri të Kosovës. Në qershor 2023, Qeveria e Kosovës e shpalli organizatë terroriste me një vendim zyrtar, së bashku me Civilna Zaštita ("Mbrojtja Civile"). Atëherë, Albin Kurti deklaroi se këto grupe paraqesin “kërcënim serioz dhe të drejtpërdrejtë për rendin kushtetues dhe sigurinë e Republikës së Kosovës”.
Deri tani, nuk ka reagim zyrtar nga institucionet e sigurisë kosovare lidhur me këtë mesazh.
Përditësime
Kryeministri i Kosovës Albin Kurti reagoi ndaj kërcënimeve të Severna Brigadës, duke thënë se ato dëshmojnë se grupi është terrorist dhe nuk ka vend në Kosovë. Severna Brigada u shpall organizatë terroriste më 29 qershor 2023. Sipas Kurtit, ata janë kriminelë, koha e tyre ka kaluar, por mbeten të lirë me ndikim në Beograd.
- Petrit Selimi reagoi në X: Kërcënimi ndihmon Kurtin gjatë fushatës zgjedhore dhe ngre pyetje të pakëndshme.
- Postimi shoqërohet me imazhe grafike të rënda (Top Channel).
Drejtoria për Hetimin e Krimit të Organizuar dhe Krimeve të Rënda ka ndërmarrë veprime intensive hetimore. Postimi erdhi nga Kralevo, Serbi.