Zhang Youxia, 75 vjeç, nënkryetar i Komisionit Qendror Ushtarak (CMC), dhe gjenerali Liu Zhenli janë përjashtuar nga detyrat e tyre gjatë fundjavës së 27 janarit 2026. Njoftimi zyrtar përmend “shkelje të rënda të disiplinës dhe ligjit”, formulim që zakonisht nënkupton akuza për korrupsion.
CMC, organi më i lartë i Partisë Komuniste të Kinës që kontrollon Ushtrinë Çlirimtare të Popullit (PLA) dhe drejtohet nga presidenti Xi Jinping, zakonisht përbëhet nga rreth shtatë anëtarë. Pas këtij veprimi dhe valëve të mëparshme hetimesh, në të kanë mbetur vetëm Xi Jinping dhe gjenerali Zhang Shengmin. Ky komision kontrollon miliona ushtarë dhe përbën qendër të pushtetit ushtarak.
Vlerësimet e analistëve
Analisti Lyle Morris nga Asia Society Policy Institute e cilëson situatën të paprecedentë. “PLA është në rrëmujë dhe përballet me një boshllëk të madh udhëheqës”, tha ai, duke shtuar se këto zhvillime dëmtojnë kontrollin e Xi Jinpingut mbi ushtrinë dhe mund të ndikojnë në kapacitetet luftarake, veçanërisht ndaj Tajvanit.
Professori Chong Ja Ian nga Universiteti Kombëtar i Singaporit thekson se arsyet reale mbeten të paqarta. Mungesa e transparencës ka ushqyer spekulime si:
• rrjedhje sekrete bërthamore drejt SHBAve;
• komplot për grusht shteti;
• përplasje fraksionale brenda ushtrisë;
• thashetheme për përleshje me armë në Pekin.
Konteksti i fushatës anti-korrupsion
PLA Daily thekson tolerancën zero ndaj korrupsionit, pavarësisht pozicionit. Fushata e nisur nga Xi Jinping që nga ardhja në pushtet është përdorur për të larguar zyrtarë, duke ngritur pyetje nëse ajo shërben edhe për eliminimin e rivalëve politikë. Kjo situatë ngrit shqetësime për stabilitetin e komandës ushtarake dhe implikimet rajonale.