Bordi i Paqes, organizatë e themeluar nga presidenti amerikan Donald Trump, ka publikuar në llogarinë e saj zyrtare në X ftesën për Shqipërinë si anëtare themeluese. Postimi, i shpërndarë nga kryeministri Edi Rama, shprehet se bordi "mirëpret Shqipërinë si anëtare themeluese të organizatës sonë ndërkombëtare në rritje". Grafika shoqëruese përfshin simbole shtetërore dhe flamurin shqiptar.
Pak ditë më parë, në Davos u zhvillua samiti që hodhi themelet e këtij bordi. Atje, vendet që pranuan ftesën e Donald Trump nënshkruan marrëveshjen themeluese. Shqipëria, e përfaqësuar nga kryeministri Edi Rama, nuk mori pjesë në samit.
Kreu i qeverisë tha në Parlament se nuk ishte i pranishëm, pasi zgjodhi të priste në Shqipëri vajzën e Donald Trump, Ivanka Trump. Megjithatë, aderimi i Shqipërisë në këtë organizatë të re u miratua edhe në Parlamentin e Shqipërisë me votat e mazhorancës dhe opozitës.
Përditësime
@BoardOfPeace postoi në X më 28 janar 2026: "Albania joins as a founding member of the Trump Peace Board. PM Edi Rama welcomed Ivanka Trump in Vlorë to mark the occasion."