Ndeshjet gjysmëfinale të plejof-it, të zhvilluara të enjten më 27 mars 2026, kanë ndryshuar renditjen botërore të FIFA-s, duke prekur kombëtaret shqiptare dhe të Kosovës.
Kombëtarja kuqezi, drejtuar nga trajneri Sylvinho, humbi një pozicion dhe ndodhet në vendin 64 me 1391.64 pikë (9.42 pikë më pak se më parë). Kjo rënie erdhi pas disfatës ndaj Polonisë në Varshavë.
Kombëtarja e Kosovës fitoi një pozicion dhe u ngjit në vendin 78 me 1325.43 pikë (16.59 pikë më shumë). Ky ngritje u mundësua nga fitorja historike ndaj Sllovakisë, që e çoi në finalen e plejof-it.
Në krye, Spanja vazhdon të udhëheqë. Franca u ngjit në vendin e dytë pas fitores 2-1 ndaj Brazilit në miqësore, duke zhvendosur Argjentinën në të tretë.
Portugalia fitoi një pozicion dhe ndodhet në vendin e pestë, duke zbritur Brazilin e trajnerit Ancelotti në të gjashtë. Italia, pas fitores ndaj Irlandës së Veriut, u ngjit një shkallë, por mbetet në vendin 12.
Dhjetëshja e parë plotësohet nga:
- Hollanda
- Maroku
- Belgjika
- Gjermania.