Një shtetas i Kosovës është arrestuar nga policia maqedonase mbrëmjen e 18 majit 2026 në autostradën A1 pranë Smokvicës.
Sipas njoftimit të policisë, 30-vjeçari drejtonte një automjet Audi A6 me targa të Kosovës me shpejtësi prej 203 kilometrash në orë, në një zonë ku shpejtësia e lejuar është 120 kilometra në orë. Kontrolli u krye me radar nga zyrtarët e SPB Strumicë – DPB Gjevgjeli.
Ai është përjashtuar nga komunikacioni dhe për rastin është njoftuar prokurori publik. Ndaj tij është paraqitur kallëzim sipas nenit 297-a të Kodit Penal për drejtim të pakujdesshëm të automjetit motorik.