Në ndeshjen e zhvilluar të shtunën në palestrën Mizahir Isma, Sigal Prishtina e mposhti Rahovecin 029 me rezultat 68:59, në kuadër të xhiros së 17-të të Superligës së Kosovës në basketboll.
Kjo fitore shënon kthimin e Prishtinës te suksesi pas tri humbjesh radhazi në kampionat. Pak ditë më parë, skuadra kryeqytetase u kualifikua në gjysmëfinalen e Kupës së Kosovës.
Rahoveci 029 e nisi ndeshjen më mirë duke fituar çerekun e parë me 14:13. Prishtina reagoi duke marrë avantazhin në çerekun e dytë me 23:20 dhe në të tretin me 22:13. Çerekun e katërt e fitoi Rahoveci me 12:10, por kjo nuk mjaftua për ta ndryshuar epilogun.
Te Prishtina u dallua Khalil Dukes me 20 pikë, tre kërcime dhe pesë asistime, si dhe Adrio Bailey me nëntë pikë, 12 kërcime dhe pesë asistime.
Te Rahoveci 029, më efikas ishte Julian Roche me 14 pikë dhe tetë kërcime.
Rahoveci 029 po kalon një krizë rezultatsh me gjashtë humbje radhazi.