Sipas njoftimit të përditësuar nga Qendra Kombëtare për Menaxhimin Kufitar, qarkullimi i automjeteve në pikat kufitare të Kosovës po zhvillohet pa fluks të shtuar.
Në shumicën e pikave kufitare, përfshirë Merdarën, Qafën e Morinës, Qafën e Prushit dhe Kullën, koha e pritjes në hyrje dhe në dalje është minimale, nga 3 deri në 5 minuta.
Një rritje e kohës së pritjes është raportuar për pikat kufitare të Hanit të Elezit dhe Vërmicës, ku udhëtarët që kërkojnë të hyjnë në territorin e Kosovës po përballen me pritje që variojnë nga 10 deri në 15 minuta. Në dalje nga këto dy pika kufitare, situata është e qetë me vonesa minimale, gjithashtu në intervalin 3 deri në 5 minuta.