Sipas të dhënave të përditësuara të Qendrës Kombëtare për Menaxhim Kufitar (QKMK), gjendja në pikat e kalimit kufitar të Kosovës paraqitet e qetë dhe pa ngarkesë. Përditësimet e orës 15:21 tregojnë se qarkullimi i automjeteve zhvillohet normalisht.
Në shumicën e pikave kufitare, koha e pritjes për hyrje dhe dalje luhatet nga 3 deri në 5 minuta. Ndërkaq, në pikën kufitare Dheu i Bardhë dhe në atë të Merdarës, qytetarët që dalin nga Kosova duhet të presin nga 5 deri në 10 minuta.
Autoritetet theksojnë se nuk ka kolona në asnjërën nga pikat e kalimit kufitar. Sa i përket qarkullimit të automjeteve të rënda, përkatësisht kamionëve, pritjet raportohen gjithashtu në nivelin e 3 deri në 5 minutave, pa prani të kolonave.