Kryetari i Komunës së Skenderajt, Sami Lushtaku, ka mobilizuar qytetarët për pjesëmarrje në protestën "Jo në emrin tim", e cila do të mbahet nesër, më 1 tetor, në mbështetje të ish-krerëve të Ushtrisë Çlirimtare të Kosovës (UÇK), Hashim Thaçi, Kadri Veseli, Jakup Krasniqi dhe Rexhep Selimi. Protesta kryesore është planifikuar të zhvillohet në sheshin Skënderbeu në orën 16:00.
Komuna e Skenderajt ka organizuar transportin për qytetarët që dëshirojnë të marrin pjesë. Grumbullimi për këtë qëllim do të bëhet në orën 12:00, ndërsa nisja nga ambientet e Palestrës Sportive Ilaz Kodra është caktuar për në orën 13:00. Transporti do të koordinohet përmes bashkësive lokale, ndërsa Lushtaku ka kërkuar unitet në mbështetje të çlirimtarëve që po përballen me procese gjyqësore.
Në orët e mbrëmjes së 30 shtatorit, u konfirmua se protestës do t'i bashkohen figura të njohura publike për të shprehur qëndrimet e tyre. Pjesë e këtij organizimi do të jenë artisti Ermal Fejzullahu, gazetari Alban Dudushi dhe kantautori Korab Shaqiri, të cilët do t'i drejtohen masës së protestuesve gjatë zhvillimit të tubimit.
Përditësime
Artisti Ermal Fejzullahu, gazetari Alban Dudushi dhe kantautori Korab Shaqiri do t'i drejtohen protestës "Jo në emrin tim" në sheshin Skënderbeu.