Ndeshja e 264-të e "El Clasicos" zhvillohet sonte në orën 21:00 në stadiumin Spotify Camp Nou, në kuadër të xhiros së 35-të të La Ligës 2025/26. Barcelona e trajnerit Hansi Flick mund të shpallet matematikisht kampione e Spanjës për herë të 29-të në histori, pasi ka 11 pikë avantazh ndaj rivalëve dhe regjistron 10 fitore radhazi.
Katalanasve u mjafton një barazim për të mbyllur llogaritë, ndërsa Real Madridi i Álvaro Arbeloas vjen mes krizash të brendshme dhe pa shpresa reale për titullin. Madrilenët luajnë për nder dhe mbështeten te Vinícius Júnior si rrezik kryesor ofensiv.
Formacionet zyrtare
Barcelona (4-2-3-1): Joan García – João Cancelo, Pau Cubarsí, Gerard Martín, Eric García – Gavi, Pedri – Marcus Rashford, Dani Olmo, Fermín López – Ferran Torres.
Real Madrid (4-3-1-2): Thibaut Courtois – Trent Alexander-Arnold, Antonio Rüdiger, Dean Huijsen, Fran García – Aurélien Tchouaméni, Jude Bellingham, Eduardo Camavinga – Brahim Díaz – Vinícius Júnior, Gonzalo García.
Ndër mungesat kryesore të Real Madridit janë kapiten Federico Valverde dhe Kylian Mbappé për shkak të lëndimit. Barcelona synon të ruajë rekordin e përsosur në shtëpi këtë sezoni.