Sot në të gjitha Qendrat Komunale të Numërimit (QKN) ka filluar procesi i numërimit të votave për kandidatët për deputetë. Zëdhënësi i Komisionit Qendror të Zgjedhjeve (KQZ), Valmir Elezi, sqaroi se përpara nisjes së këtij procesi, po realizohet verifikimi i rezultateve të subjekteve politike, bazuar në formularët e plotësuar në vendvotime.
Sipas njoftimit të KQZ-së, numërimi i votave për subjektet politike në të gjitha vendvotimet u përmbyll të dielën në mbrëmje, më 7 qershor. Të gjitha materialet zgjedhore janë dorëzuar pranë qendrave përkatëse, ku po vazhdojnë procedurat e verifikimit dhe numërimit.
KQZ ka planifikuar një konferencë për media për të njoftuar opinionin publik mbi ecurinë e aktiviteteve zgjedhore. Takimi do të mbahet në orën 16:30 në QKN "1 Tetori" në Prishtinë.