Prokuroria e Posaçme kundër Korrupsionit dhe Krimit të Organizuar (SPAK) ka mbyllur hetimet për një fraksion të dosjes Toyota Yaris dhe ka marrë të pandehur Erjona Daupaj dhe Astrit Vladi.
Çështja është dërguar për gjykim në Gjykatën e Posaçme kundër Korrupsionit dhe Krimit të Organizuar (GJKKO), ku gjyqtari i seancës paraprake është caktuar Paulin Cera.
Ndaj të pandehurve rëndon akuza për ushtrim ndikimi të paligjshëm dhe korrupsion aktiv ndaj funksionarëve të drejtësisë. Sipas SPAK-ut, të pandehurit dyshohet se kanë tentuar të ndikojnë në procese hetimore dhe vendimmarrje të organeve të drejtësisë, në kuadër të hetimeve për dosjen Toyota Yaris.
Të dy personat pritet të gjykohen në mungesë, pasi ndodhen në arrati.
Dosja Toyota Yaris lidhet me sekuestrimin e një shume të konsiderueshme parash në portin e Durrësit disa vite më parë. Kjo çështje ka prodhuar disa fraksione hetimore dhe procedime të ndara nga SPAK.