Prokuroria e Posaçme kundër Korrupsionit dhe Krimit të Organizuar të Rëndë (SPAK) ka mohuar zyrtarisht pretendimin se ka ushtruar kontroll në banesën e gazetarit Sokol Balla. Lajmi u publikua më 2 maj 2026 nga televizioni Syri TV.
Zyra e shtypit e SPAK-ut iu përgjigj kërkesës së ABC News me deklaratën: "Në përgjigje të kërkesës suaj, Prokuroria e Posaçme nuk ka ushtruar kontroll në banesën e shtetasit Sokol Balla".
Sipas kësaj deklarate, nuk ka pasur asnjë veprim hetimor të tillë ndaj gazetarit. Të dy mediat, ABC News dhe Koha Jonë, raportojnë të njëjtën përgjigje zyrtare nga SPAK.
Media pranë Sali Berishës, si Syri TV, kanë publikuar në të kaluarën lajme të ngjashme ndaj Sokol Ballës.