Prokuroria e Posaçme Kundër Korrupsionit dhe Krimit të Organizuar (SPAK) ka ndërmarrë një aksion për zbatimin e urdhrave të kontrollit në banesa, zyra dhe ambiente të tjera. Këto veprime hetimore janë autorizuar nga gjyqtari i hetimeve paraprake në kuadër të dosjes ndaj ish-zv.kryeministres Belinda Balluku.
Kontrollet janë shtrirë në disa prona në Tiranë, Durrës dhe Vlorë, ku agjentët e BKH-së po kërkojnë prova të reja pasi gjatë hetimeve janë ngritur dyshime për elementë të tjerë që lidhen me këtë çështje.
Operacioni zhvillohet pas vendimit për zgjatjen e hetimeve me 3 muaj për Ballukun dhe vartësit e saj. Në lidhje me këtë proces, ish-zv.kryeministrja është njoftuar për t'u paraqitur në Prokurorinë e Posaçme më 31 korrik.