Prokuroria e Posaçme Kundër Korrupsionit dhe Krimit të Organizuar (SPAK) zhvilloi operacion mëngjesin e së shtunës në zonën e Ujit të Ftohtë në Vlorë, ku Agjencia e Mbikëqyrjes Policore (AMP) arrestoi punonjësın e policisë Rezart Kuci.
Kuci akuzohet për veprat penale të shpërdorimit të detyrës, trafikut të lëndëve narkotike dhe pjesëmarrjes në grup të strukturuar kriminal. Ai dyshohet se është i lidhur me grupin kriminal të Vlorës.
Aktualisht, Kuci mban postin e shefit të seksionit të policisë shkencore në Drejtorinë Vendore të Policisë Kukës (DVP Kukës). Më parë, ai ka shërbyer si zëvendës shef komisariati dhe njëkohësisht shef për hetimin e krimeve në Komisariatin e Policisë Nr. 1 në Tiranë, si dhe në DVP Vlorë.
Sipas gazetare Klodiana Lala, urdhri i arrestit u ekzekutua nga AMP në vijim të hetimeve të SPAK-ut. Në kuadër të operacionit u lëshuan 7 urdhërarreste, ndërsa u ushtruan kontrolle në banesën e Ines Hajrullajt. Hajrullaj dhe Ervis Matodashaj nuk ndodheshin në banesë dhe shpëtuan arrestimin.
Hetimet vazhdojnë nga SPAK për zbardhjen e plotë të lidhjeve kriminale.
Përditësime
SPAK sqaroi rolin e të arrestuarit Kuçi:
- Logjistikë në transportin e narkotikëve, shpërndarje e informacioneve konfidenciale policore, fshirje të dhënave celulare, përdorim i paligjshëm i TIMS-it, komunikim i koduar në SkyECC.
- Lidhje me vrasjet e Gentjan Qarri dhe Bledar Birçaj (2025) si shef hetimesh në Vlorë, të lidhura me grupin e Hajrullës.
- Porositës i 400 kg kokaine nga Spanja në Gjermani (dhjetor 2020) bashkë me Armen Memishajn (në kërkim); investime në mjete lundruese.
SPAK lëshoi 8 urdhëra arresti në total.
Zhvillime të reja:
- Arrestohet ish-punonjësi i policisë Hamëz Demushi në Zvicër.
- Policia e Shtetit mori vetëm 7 urdhëra, pa atë për Kuçin, për të shmangur dekonspirimin.