Sot në mbrëmje, bota e futbollit do të përqendrohet te stadiumi MetLife në New Jersey, ku do të zhvillohet finalja e madhe e Kupës së Botës FIFA 2026 midis Spanjës dhe Argjentinës. Përballja do të nisë në orën 21:00.
Spanja, e drejtuar nga Luis de la Fuente, arriti në finale pasi eliminoi Austrinë, Portugalinë, Belgjikën dhe në gjysmëfinale Francën me rezultatin 2-0. Skuadra spanjolle synon titullin e dytë botëror, pas atij të vitit 2010. Nga ana tjetër, Argjentina e Lionel Scalonit, e udhëhequr nga Leo Messi, ka eliminuar ndër të tjera Kepin e Gjelbër, Egjiptin, Zvicrën dhe në gjysmëfinale Anglinë me rezultatin 2-1. Argjentina kërkon të bëhet kombëtarja e parë pas Brazilin në vitin 1962 që mbron me sukses titullin kampion.
Krahas aspektit sportiv, organizatorët kanë njoftuar se gjatë pushimit të pjesës së parë do të zhvillohet një spektakël muzikor me kohëzgjatje 17 minuta. Në këtë performancë janë planifikuar të marrin pjesë artistët Shakira, Madonna, BTS dhe Justin Bieber.