Në veri të Londrës, në zonën Golders Green, të mërkurën më 29 prill 2026, dy persona mbetën të plagosur nga një sulm me thikë. Ngjarja ndodhi në një zonë me popullsi të konsiderueshme hebreje, ku një person u pa duke vrapuar në rrugë dhe duke përpiqej të godiste hebrenjtë në zonë.
Shomrim, organizata e sigurisë së komunitetit hebre, reagoi menjëherë, arrestoi të dyshuarin dhe e mbajti derisa mbërriti policia. Autoritetet britanike e neutralizuan me elektroshok. Policia ka arrestuar të dyshuarin, ndërsa në vendngjarje u vendosën forca të shumta policie, ambulanca dhe zona të rrethuara në dy pika të ndryshme.
Viktimat po marrin trajtim mjekësor nga Hatzola, organizatë vullnetare që ndihmon hebrenjtë gjatë emergjencave shëndetësore. Gjendja e tyre nuk është bërë e ditur ende.
Kryeministri britanik e cilësoi incidentin si thellësisht shqetësues. Hetimet vazhdojnë për të përcaktuar nëse sulmi ishte i qëllimshëm ndaj hebrenjve.
Përditësime
Policia ka shpallur zyrtarisht sulmin me thikë në Golders Green të Londrës si akt terrorist. Sulmuesi, një 45-vjeçar, u përpoq të sulmonte policinë gjatë arrestimit. Viktimat, 34 dhe 76-vjeçare, janë jashtë rrezikut për jetën. Kryeministri Keir Starmer e quajti atë "absolutisht rrënqethës" dhe shtoi se "sulmet ndaj komunitetit hebre janë sulme ndaj Mbretërisë së Bashkuar".