Në kuadër të javës së 26-të të Superligës së Kosovës, sot zhvillohen tre ndeshje, me nisje në ora 13:00.
Vëmendja kryesore është te derbi mes Gjilanit dhe Dritës në Gjilan. Ky përballje quhet derbi lokal ose i vjetër i Anamoravës. Nëse Drita fiton, ajo merr primatin në tabelë dhe shkëputet me tre pikë. Ndërsa triumfi i Gjilanit, të quajtur edhe "Skifterët", rrit gjasat për një vend në garat evropiane.
Në Klinë, Dukagjini pret Prishtinën e Re. Të dy skuadrat luftojnë për mbijetesë në ligë dhe kanë nevojë për pikë.
Në Malishevë, Malisheva sfidon Llapin, drejtuar nga trajneri Tahir Batatina. Vendasit synojnë kualifikim në Evropë, ndërsa mysafirët duan të shmangin rënien nga kategoria.