Ministri i Brendshëm i Kosovës, Xhelal Sveçla, ka takuar të ngarkuarën me punë në Ambasadën e Shteteve të Bashkuara të Amerikës, Anu Prattipatin. Takimi u mbajt në Ministrinë e Punëve të Brendshme.
Në një postim në rrjetet sociale, Sveçla shkruan se kishte kënaqësinë të mirëpresë Anu Prattipatin. Ai e njoftoi atë mbi arritjet e deritanishme dhe prioritetet në fushën e sigurisë, mbi të cilat do të angazhohen gjatë mandatit të ri qeverisës.
Sveçla falënderroi Prattipatin për mbështetjen e vazhdueshme të Shteteve të Bashkuara të Amerikës ndaj institucioneve kosovare. Kjo mbështetje shërben në funksion të sigurisë dhe stabilitetit të vendit dhe qytetarëve të tij.
Postimi i plotë i ministrit Sveçla:
"Kisha kënaqësinë të mirëpres sot në Ministrinë e Punëve të Brendshme të Ngarkuarën me Punë në Ambasadën e ShBA-ve, znj. Anu Prattipati.
E informova mbi të arriturat e deritanishme dhe për prioritetet tona në fushën e sigurisë, mbi të cilat do të angazhohemi gjatë mandatit të ri qeverisës.
Falënderova znj. Prattipati për mbështetjen e vazhdueshme të Shteteve të Bashkuara të Amerikës për institucionet tona, në funksion të sigurisë dhe stabilitetit të vendit tonë dhe qytetarëve tanë."