Një stuhi e rrezikshme dimërore ka mbështjellë Shtetet e Bashkuara, duke lënë të paktën shtatë persona të vdekur. Mijëra persona raportohet të kenë mbetur pa energji elektrike, ndërsa shumë shkolla dhe rrugë janë mbyllur.
Mbi 11 mijë fluturime janë anuluar për shkak të kushteve "të rrezikshme për jetë", sipas Shërbimit Kombëtar për Motin. Të paktën dy persona kanë vdekur si pasojë e hipotermisë në Luizianë, ndërsa vdekje të tjera të lidhura me stuhinë janë raportuar në Teksas, Tenesi dhe Kansas.
Autoritetet kanë paralajmëruar reshje të shumta bore dhe akull të zi për disa ditë. Stuhia ka prekur mbi 180 milionë amerikanë, më shumë se gjysma e popullsisë.
Zohran Mamdani, kryetari i qytetit të Nju Jorkut, ka thënë përmes një postimi në X (dikur Twitter) se të paktën tetë persona kanë vdekur të shtunën, mirëpo shkaqet nuk janë përcaktuar ende.
Ekspertët e motit paralajmërojnë se akulli është një nga rreziqet më të mëdha, pasi dëmton drurët, shkatërron kabllot e energjisë dhe bën rrugët të pasigurta. Ata besojnë se ndryshimet klimatike mund të kenë ndikuar në ashpërsimin e kushteve klimatike të çdo stine.
Përditësime
Të paktën 11 të vdekur nga stuhia dimërore në SHBA, rritje nga 7 më parë.
Zohran Mamdani raporton 5 vdekje nga moti.