Një person ka mbetur i vdekur dhe gjashtë të tjerë janë plagosur pas të shtënave me armë në një qendër tregtare në Union Township të New Jersey-së.
Ngjarja ndodhi të shtunën në mbrëmje në një restorant brenda qendrës tregtare. Klientët u larguan me nxitim, ndërsa biznesi u mbyll menjëherë.
Babai i një punëtori të qendrës tregtare tha se djali i tij i kishte treguar se disa të dyshuar të armatosur me maska hynë me forcë në restorant.
Zëdhënësja e Zyrës së Prokurorit të Qarkut Union, Lauren Farinas, i tha NJ.com se po kryhet një hetim aktiv dhe i vazhdueshëm.