Një ngjarje e rëndë është regjistruar mbrëmjen e së enjtes, 4 qershor 2026, në fshatin Sevaster të Vlorës. Nga të dhënat paraprake, raportohet për përdorim të armëve të zjarrit, ku si pasojë një person ka mbetur i plagosur rëndë.
Efektivët e Policisë kanë mbërritur në vendin e ngjarjes për të kryer veprimet e para hetimore. Aktualisht, autoritetet janë duke punuar për të zbardhur rrethanat e plota të incidentit, si dhe për të identifikuar autorin apo autorët e përfshirë në këtë ngjarje kriminale. Identiteti i shtetasit të plagosur nuk është bërë ende publik nga institucionet përkatëse.