Negociatat ndërmjet Vinicius Junior dhe Real Madridit kanë hyrë në një fazë të tensionuar, pasi futbollisti brazilian ka refuzuar propozimin e parë të klubit spanjoll. Sipas raportimeve, oferta fillestare e madrilenëve përfshinte një pagë vjetore prej rreth 22 milionë eurosh dhe 50 për qind të të drejtave të imazhit.
Kërkesat e brazilianit janë më të larta, pasi ai synon të përfitojë afërsisht 25 milionë euro në sezon dhe të mbajë 80 për qind të të drejtave të imazhit. Përveç këtyre kushteve, Vinicius kërkon edhe një bonus për nënshkrimin e kontratës së re, i cili besohet se mund të arrijë vlerën e 25 milionë eurove.
Në këtë situatë, interesimi i klubit anglez Arsenali është bërë i ditur në media. “Topçinjtë” raportohet se janë të gatshëm të ofrojnë një paketë financiare që mund të arrijë deri në 140 milionë funte, duke i garantuar lojtarit deri në 100 për qind të të drejtave të imazhit.
Megjithatë, prioriteti i mbetet vazhdimi i karrierës te Real Madridi, nëse palët arrijnë të gjejnë një marrëveshje që plotëson kërkesat e tij. Analistët, përfshirë Aritz Gabilondo, theksojnë se strategjia e futbollistit për të shtrënguar negociatat para fillimit të kampionatit mbart rreziqe, duke pasur parasysh qasjen e presidentit të klubit, Florentino Perez, i cili historikisht nuk e ka mirëpritur presionin nga lojtarët për çështje kontratash.