Specialistët për Hetimin e Krimeve në Komisariatin e Policisë Nr. 2 në Tiranë kanë kryer veprimet procedurale për arrestimin e 24-vjeçares S. Sh. dhe një 17-vjeçari, si dhe kanë referuar në Prokurori 30-vjeçarin M. B., për ngjarjen e ndodhur në një banesë ku ushtrohej prostitucion.
Sipas njoftimit zyrtar të policisë, 17-vjeçari ka tentuar të vjedhë me dhunë në banesën e S. Sh., e cila e ka dëmtuar me mjet prerës. I mituri është paraqitur në spital për ndihmë mjekësore dhe ndodhet jashtë rrezikut për jetën.
Gjatë kontrollit në banesë, policia ka gjetur një sasi lënde narkotike të dyshuar si kokainë, e cila dyshohet se përdorej nga M. B.. Hetimet për zbardhjen e plotë të rrethanave të ngjarjes vijojnë.