Ky artikull është përditësuar. Shiko përditësimet
Një tërmet i fortë ka goditur sot, më 10 janar 2026, brigjet e kompleksit ishujsh Talaud në Indonezi. Lëkundjet e tij u ndjenë në zonën veriore të vendit, duke shkaktuar panik mes banorëve për shkak të frikës nga një tsunami i mundshëm.
Sipas Qendrës Gjermane e Kërkimeve për Gjeoshkencat (GFZ), magnituda e tërmetit ishte 6.8 ballë në Shkallën Richter, me një thellësi fokale prej 77 kilometrash. Ndërsa Agjencia Indoneziane e Gjeofizikës (BMKG) raportoi një magnitudë më të lartë prej 7.1 ballë dhe thellësi prej 17 kilometrash. Pas goditjes kryesore, u regjistruan edhe disa tërmete pasuese.
Autoritetet indoneziane, përmes BMKG, njoftojnë se tërmeti nuk paraqet rrezik për cunami. Banorët në qytetin Manado, në skajin verior të ishullit Sulawesi, shpjegojnë se lëkundjet u ndjenë me forcë, por deri tani nuk ka informacione për dëme materiale ose të lënduar. Deri në momentin e raportimit, nuk ka të dhëna për viktima.
Indonezia ndodhet në zonën e njohur si Unaza e Zjarrit e Paqësorit, një rajon me aktivitet sizmik të lartë ku përplasen pllaka tektonike, duke e bërë vendin të prirur ndaj tërmeteve të shpeshta.
Përditësim
GFZ raporton thellësinë e tërmetit si 54 km, ndryshe nga 77 km të raportuara më herët.