Ekipi i Teutës për vajza fitoi 1-0 ndaj Apolonisë në finalen e Kupës së Shqipërisë, të luajtur pasditen e 12 majit 2026 në Shtëpinë e Futbollit. Ky triumf i solli Teutës trofeun e parë të Kupës në historinë e klubit në kategorinë e vajzave.
Ndeshja u vendos nga goli i Estevaos në minutën 71-të, kur ajo harkoi një top drejt portës dhe portierja Afi nuk e ndali siç duhet, duke e lejuar topin të kalonte vijën fatale. Teuta administroi mirë minutat e mbetura dhe siguroi fitoren.
Në pjesën e parë pati mundësi shënimi për të dyja skuadrat. Për Teutën, Vishkulli ishte më kërkuese, ndërsa Da Silva iu afrua golit, por Xhindole e largoi në vijën fatale. Apolonia provoi me De Sousan dhe Silva Santos-in, por portierja Spaho bëri shpëtimet vendimtare. Pjesa e parë u mbyll pa gola.
Në fraksionin e dytë, Da Silva u ndal nga Afi në minutën 53-të. Të dyja skuadrat filluan me të njëjtat formacione.
Pas ndeshjes u zhvillua ceremonia e dorëzimit të medaljeve dhe trofeut. Anëtarja e Komitetit Ekzekutiv të FSHF-së, Anila Basha, ia dorëzoi Kupën ekipit të Teutës.