Në sfidën e javës së 24-të të Superligës, Teuta mposhti Bylisin me rezultatin 2-1, në stadiumin Niko Dovana të Durrësit. Ky sukses erdhi pas dhjetë ndeshjesh pa fitore për durrsakët.
Sfida filloi me avantazhin e hershëm të miqve. Në minutën e 3-të, Aurel Marku shënoi për Bylisin, duke çuar shifrat në 1-0. Dy minuta më vonë, Wotlai barazoi për Teutën në 1-1.
Në minutën e 44-të, Kotobelli goditi me kokë, por portieri Ozois e shpëtoi topin për Bylisin. Pjesa e parë u mbyll në barazim 1-1.
Në pjesën e dytë, Teuta mori avantazhin në minutën e 56-të. Kotobelli realizoi me goditje dënimi, një gol që ia dedikoi babait të tij, i cili ndërroi jetë përpara pak ditësh. Bylisi tentoi të reagojë me zëvendësime, por durrsakët administuan lojën deri në fund, pas 90+5 minutash.
Me tre pikët, Teuta përmirëson pozitat në garën për mbijetesë, ndërsa Bylisi vazhdon në vështirësi.
Përditësime
Sulovari goditi penalltinë në minutën e 3-të, e devijuar nga Marku para portierit Selmani për golin e Bylisit.
Votlai shënoi në minutën e 5-të nga goditja e këndit me devijim me kokë.
Bylisi ka afruar lojtarë të rinj në merkaton e fundit, por as zëvendësimet e as ata nuk kanë ndihmuar.