Një aktivitet i organizuar nga grupi i adhuruesve të veturave Maraklitë e kerreve ka sjellë bllokimin e trafikut dhe krijimin e kolonave të gjata në aksin rrugor nga Fushë Kosova në drejtim të Prishtinës.
Sipas raportimeve nga terreni, një numër i madh automjetesh janë grumbulluar në këtë zonë, duke krijuar një tollovi të konsiderueshme dhe duke vështirësuar lëvizjen normale për drejtuesit e tjerë të mjeteve. Pamjet e siguruara tregojnë radhë të gjata të mjeteve, ndërsa shumë të apasionuar pas veturave kanë marrë pjesë në këtë organizim që po zhvillohet përgjatë rrugës nacionale.
Autoritetet nuk kanë dalë ende me një njoftim zyrtar lidhur me kohëzgjatjen e këtij bllokimi apo masat e mundshme për normalizimin e qarkullimit. Qytetarët këshillohen të tregojnë kujdes nëse planifikojnë të kalojnë përmes këtij aksi rrugor në orët në vijim.