Kombëtarja kuqezi po përgatitet për ndeshjen kundër Polonisë, të vlefshme për gjysmëfinalen e play-off-it të Botërorit 2026, më 26 mars.
Në një video të publikuar nga FSHF-ja në rrjetet sociale, trajneri Silvinjo shfaqet në një makinë në rolin e shoferit, me Nedim Bajramin dhe Taulant Seferin si pasagjerë. Ky i fundit nuk është thirrur nga trajneri brazilian për ndeshjet e 2025-ës, ndërsa hera e fundit që ka qenë pjesë e Kombëtares ka qenë më 19 nëntor 2024.
Përmes videos duket se sulmuesi ka rifituar besimin e trajnerit dhe pritet të thirret për ndeshjet e marsit.
Në rast fitoreje kundër Polonisë, Shqipëria do të luajë në finalen e play-off-it kundër fituesit të çiftit Ukrainë/Suedi, që siguron biletën për Botërorin 2026.