Fitorja e PSG-se ne finalen e Liges se Kampioneve, e arritur përmes penalltive kundër Arsenalit, u pasua nga nje vale festimesh qe ne disa zona te kryeqytetit francez degjeneruan ne trazira. Pavaresisht angazhimit te 22,000 forcave te policise ne te gjithe Francen, prej te cilave 8,000 vetem ne zonën metropolitane te Parisit, situata ne bulevardin Champs-Élysées doli jashte kontrollit.
Sipas Ministrisë së Brendshme të Francës, deri ne orët e para te se dieles ishin ndaluar 416 persona, ndersa bilanci i demeve përfshin djegien e disa automjeteve dhe biçikletave elektrike, si dhe shkaterrimin e vitrinave te bizneseve dhe stacioneve te autobuseve. Ministri i Brendshëm, Laurent Nuñez, i cili e dënoi dhunen si te papranueshme, konfirmoi se shtate oficerë policie mbeten te plagosur gjatë përleshjeve, ku forcat e rendit u detyruan te përdornin gaz lotsjelles per te shpërndarë turmat.
Kjo eshte hera e dyte radhazi qe suksesi i PSG-se ne kete kompeticion shoqërohet me incidente te tilla. Autoritetet kishin marrë masa shtese sigurie, duke pezulluar përkohësisht edhe disa linja te transportit publik per te minimizuar rrezikun e përshkallëzimit te dhunes. Pavaresisht këtyre ngjarjeve, klubi i PSG-se pritet te zhvilloje paradën zyrtare te fitores pranë Kullës Eiffel, ku lojtaret do te priten edhe nga presidenti francez Emmanuel Macron.
Përditësime
Policia e Parisit ka identifikuar grupet e tifozëve përgjegjës për bllokimin e autostradës 'Périphérique' pas festimeve për fitoren e PSG-së në Champions League. Autoritetet sekuestruan 24 flakadanë dhe 100 fishekzjarrë, ndërsa nga përplasjet mbetën të plagosur 7 oficerë, njëri prej të cilëve është në gjendje të rëndë. Incidentet ndodhën në një periudhë sigurie të shtuar për shkak të koncerteve të Aya Nakamura-s e Damso-s dhe turneut French Open. Liderja e ekstremit të djathtë, Marine Le Pen, dënoi dhunën dhe kërkoi masa të menjëhershme ndaj autorëve.
Trazirat në Francë pas fitores së PSG-së në Champions League kanë shkallëzuar në përplasje të dhunshme. Bilanci zyrtar është si vijon:
- Policia ka raportuar 780 të arrestuar në nivel kombëtar, ndër të cilët 480 në Paris dhe 82 të mitur.
- Gjatë përleshjeve në 15 qytete, kanë mbetur të plagosur 57 efektivë policie.
- Prokuroria konfirmoi vdekjen e një 23-vjeçari pas një aksidenti në unazën e Parisit.
- Pavarësisht situatës, Presidenca bëri të ditur se takimi i lojtarëve me Presidentin Emmanuel Macron dhe parada janë zhvilluar sipas planit.