Tre persona janë arrestuar në Gjakovë pasi dyshohet se kanë penguar zyrtarët policorë gjatë kryerjes së detyrës zyrtare. Ngjarja ka ndodhur rreth orës 00:30 të 9 majit 2026, në rrugën "Nëna Terezë", sipas njoftimit të Policisë së Kosovës.
Sipas raportit policor, derisa zyrtarët ishin në kryerje të detyrës, katër të dyshuar meshkuj kosovarë kanë ndërhyrë dhe i kanë penguar në ushtrimin e detyrave. Tre prej tyre u arrestuan menjëherë në vendngjarje, ndërsa i katërti arriti të largohet.
Pas intervistimit, me vendim të prokurorit, tre të arrestuarit u dërguan në mbajtje. Rasti po hetohet më tej nga organet e rendit, ndërsa i dyshuari i larguar mbetet në kërkim.