Donald Trump, president i ShBA-së, ka reaguar me një postim në TruthSocial ndërsa Jack Smith, prokurori i posaçëm, dëshmon para Kongresit në Washington. Ai po kthehet nga Forumi Ekonomik Botëror në Davos.
Trump shkruan: «Jack Smith po shkatërrohet para Kongresit. Ai shkatërroi shumë jetë nën maskën e legjitimitetit. Jack Smith është një kafshë e çmendur, të cilit nuk duhet t’i lejohet të ushtrojë profesionin e avokatit. Nëse do të ishte republikan, licenca do t’i hiqej, dhe shumë më keq!».
Më tej, Trump shton: «Shpresojmë që Prokurori i Përgjithshëm po shqyrton atë që ka bërë, duke përfshirë disa nga dëshmitarët e korruptuar dhe të pandershëm që ai po përpiqej të përdorte në çështjen e tij kundër meje. E gjithë kjo ishte një MASHTRIM i Demokratëve – Ata duhet të paguajnë një çmim të madh për atë që e kanë bërë vendin tonë!».
Ky reagim vjen në mes të dëshmisë së Smith-it, e cila vazhdon.