Presidenti i Shteteve të Bashkuara, Donald Trump, ka shprehur optimizëm në lidhje me përpjekjet diplomatike për t'i dhënë fund luftës në Ukrainë. Në një prononcim për gazetarët nga Shtëpia e Bardhë, Trump theksoi se negociatat po shënojnë përparim më të madh sesa vlerësojnë vëzhguesit.
Sipas kreut të Shtëpisë së Bardhë, presidenti rus, Vladimir Putin, është nën presion për t'i dhënë fund luftimeve, ndërsa presidenti ukrainas, Volodymyr Zelensky, dëshiron gjithashtu një zgjidhje të shpejtë. Trump bëri të ditur se administrata e tij është në komunikim me palët dhe se kjo çështje do të zërë vend qendror në samitin e NATO-s që do të zhvillohet këtë javë në Ankara.
"Po flasim, do të shohim nëse mund t'i japim fund luftës. Mendoj se zgjidhja është më afër nga sa mendojnë njerëzit", u shpreh presidenti amerikan para gazetarëve.