Presidenti i SHBA-së, Donald Trump, deklaroi se marrëdhënia e tij me kryeministren e Italisë, Giorgia Meloni, nuk është më e njëjtë.
Komentet vijnë pasi Meloni e kritikoi Trumpin për sulmet e tij ndaj Papës dhe refuzoi të përfshihet në luftën e SHBA-së në Iran. "Nuk kemi më të njëjtën marrëdhënie", tha Trump. "Ajo ka qenë negative. Kushdo që na ka refuzuar për ndihmën me këtë situatë në Iran, nuk kemi të njëjtën marrëdhënie."
Trump kritikoi gjithashtu NATO-në, anëtare e së cilës është Italia, për mungesën e angazhimit në këtë konflikt. "Pse po shpenzojmë qindra miliarda dollarë në vit për NATO-në nëse ata nuk do të jenë me ne, nëse nuk do të jenë me ne për Iranin, nuk do të jenë me ne për një temë shumë më të madhe se Irani", deklaroi ai.