Presidenti i Shteteve të Bashkuara, Donald Trump, i ka bërë thirrje Iranit që të arrijë sa më shpejt një marrëveshje për t’i dhënë fund tensioneve aktuale. Në një intervistë për transmetuesin francez BFMTV, Trump deklaroi se Teherani do të përballet me një periudhë shumë të vështirë nëse nuk pranon marrëveshjen.
Deklaratat vijnë në një kohë tensionesh të larta në Lindjen e Mesme. Mediat amerikane, përfshirë The New York Times, raportojnë se Shtetet e Bashkuara dhe Izraeli po zhvillojnë përgatitje intensive për rifillimin e mundshëm të operacioneve ushtarake kundër Iranit.
Ministri i Jashtëm iranian, Abbas Araghchi, ka konfirmuar se qeveria e tij ka marrë mesazhe nga administrata Trump që tregojnë gatishmëri për bisedime të reja, por ka shprehur mosbesim të thellë ndaj qëllimeve të Uashingtonit.